Skýrsla stjórnar til aðalfundar 18.júní 2013

Stjórnin hélt þrjá fundi á starfsárinu og auk þess þrjá með lögfræðingi Landssambands sumarhúsaeigenda. Einnig hefur verið fundað með landeiganda. Hin hefðbundnu 3 stórmál félagsins voru enn til umfjöllunar.

Nú hefur fjórða málið bæst við, sem er framlenging leigusamninga. Ef lóðarhafar gæta ekki að sér geta þeir misst öll réttindi, sjá greinargerð stjórnar sem fjallað verður nánar um undir lið 10 á aðalfundi.

Eitt af hefðbundnu málum eru girðingarnar, en þær virðast nú að mestu í lagi, fyrir utan einn hornstaur á svæði 1, sem hefur gengið illa að festa almennilega.

Annað mál, sem lengi hefur verið óvissa um er viðhald vegarins meðfram hverfinu. Þar sem Grenjar eru komnar í ábúð hefur Vegagerðin nú tekið ábyrgð á veginum þangað, sem þýðir að hann verður heflaður/lagaður einu sinni á ári. Í júlí á síðasta ári var vegur 535 heflaður alla leið inn að Grenjum. Vegurinn fyrir neðan Múlabyggð kom ótrúlega vel undan þeirri heflun, en nú dugar heflun ekki lengur til og á þessu ári er unnið að ofaníburði, að því er virðist með svipaðri aðferð og beitt var neðar á vegi 535 fyrir nokkrum árum síðan. Aldrei þessu vant er þá eitt af hinum þremur hefðbundnu stóru málum félagsins komið á beinu brautina.

Vatnsveitan hefur verið helsta umfjöllunarefni stjórnar. Á síðasta aðalfundi var stjórninni falið að ræða við landeiganda um möguleika á stofnun félags um vatnsveituna. Í þeim viðræðum kom fram ósk landeiganda um að félagið tæki yfir vatnsveituna. Nokkur tilboð gengu á milli, en þegar aðalfundur var boðaður höfðu samningar ekki náðst. Í dag var hins vegar undirritað samkomulag um yfirtöku vatnsveitunnar, með fyrirvara um samþykki félagsfundar. Undir lið 7 á aðalfundi verður því tekin fyrir tillaga stjórnar um fjárútlát vegna úrbóta á vatnsveitu í samræmi við hið nýja samkomulag. Nánar verður fjallað um samkomulagið undir þeim lið.

Fyrir hönd stjórnar
Þorvarður Kári Ólafsson, formaður

Aðalfundargerð 2013

Aðalfundur félags bústaðaeigenda í Múlabyggð

haldinn 18. júní 2013 kl. 20:00 að Stórhöfða 31.

Mættir voru: nr.3 Leonóra/Sverrir, nr.4 Snorri, nr.7 Magnea/Sigurður, nr.10 Björn/Ingunn, nr.12 Pétur, nr.13 Haraldur, nr.16 Engilbert, nr.17/18/20 Pétur, nr.19 Anna/Þorvarður, nr.24 Sigmundur, nr.28-29 Ásgerður/Sverrir, nr.30 Arnar/Ari/Sólveig, nr.31-32 Ágúst/Inga, nr.33-34 Þórdís/Hildur, nr.36 Þorbjörn/Guðrún.

Formaður Þorvarður Kári Ólafsson, bauð fundarmenn velkomna og setti fund.
Þorvarður var kjörinn fundarstjóri og Haraldur Jónsson fundarritari.

1. Formaður flutti skýrslu stjórnar. Umræður urðu um hefðbundin mál, vegi ,vatnsveitu og girðingar. Upplýst var að búið væri að bera ofan í veginn frá gatnamótum að Grímstöðum, inn að Grenjum.

2. Ársreikningur lagður fram. Björn Gunnarsson gjaldkeri kynnti ársreikning fyrir árið 2012. Umræður urðu um reikningininn og að þeim loknum var hann samþykktur samhljóða.

3. Kosningar samkvæmt 6. gr. samþykkta félagsins: Kosning formanns. Núverandi formaður gefur kost á sér áfram og Haraldur Jónsson tekur við fundarstjórn og óskar eftir fleiri framboðum. Enginn annar gaf kost á sér og Þorvarður Kári Ólafsson því endurkjörinn formaður með lófaklappi og tekur aftur við fundarstjórn.

4. Kosning  fjögurra stjórnamanna. Haraldur Jónsson gefur ekki kost á sér en aðrir stjórnarmenn, þ.e: Pétur Kristinsson, Björn Gunnarsson og Sigmundur Andrésson gáfu kost á sér.  Fundarstjóri óskar eftir framboðum  og Guðrún Svanborg Hauksdóttir gaf kost á sér. Guðrún, Pétur, Sigmundur og Björn voru kjörnir stjórnarmenn  með lófaklappi.

5. Kosning varamanna í stjórn. Óskað eftir framboðum . Hildur Ingvarsdóttir og Haraldur Jónsson gáfu kost á sér og voru kjörin með lófaklappi.

6. Kosning skoðunarmanna reikninga. Þórdís Árnadóttir og Hjalti Schiöth gefa kost á sér og eru kjörin með lófaklappi.

7. Undir liðnum Framlagning rekstrar- og framkvæmdaáætlunar fyrir næsta ár átti samkvæmt fundarboði að ræða fjárútlát vegna vatnsveitumála. Formaður kynnti samkomulag sem hann og Pétur höfðu gert við Guðna Haraldsson fyrr um daginn.

Fundarmenn voru almennt ánægðir með að nú sjái fyrir endann á þessu stóra máli. Umræður snerust aðallega um rétt til frekari vatnsöflunar og eins og fram kemur í samkomulaginu verður gert nánara samkomulag um það síðar. Sverrir Sveinsson upplýsti að í kaupsamningum um lóðir á svæðinu, væri ákvæði um rétt til frekari vatnsöflunar á jörðinni.

Þar sem þetta stóra mál kom ekki fram í fundarboði, var ekki hægt að bera það löglega upp til samþykktar og bar formaður upp eftirfarandi tillögu: "Aðalfundur FBM 2013, felur stjórn að vinna að vatnsveitumálum á grundvelli samkomulags við Guðna Haraldsson dagsettu 18. júní 2013 og heimilar allt að 500 þúsund kr. fjárútlát til framkvæmda."  Tillagan var samþykkkt samhljóða. Boðað verður til framhaldsaðalfundar um málið.

8. Stjórnin leggur til óbreytt árgjald  7500 kr. og var það samþykkt samhljóða.

9. Minnt var á að  fólk fylgist með, þegar leigusamningar þess  renna út og mikilvægi þess að fara eftir ákvæðum laga um það efni. Frekari skýringar verða settar á heimasíðu félagsins.

10. Enginn óskaði eftir að taka til máls undir liðnum önnur mál.

Fundi var frestað kl. 21:40 og ákveðið að boða til framhaldsaðalfundar eigi síðar en í september.

Stjórn félagsins 2013-2014

Þorvarður Kári Ólafsson, formaður (nr.19)

Björn Gunnarsson, gjaldkeri (nr.10)
Guðrún Svanborg Hauksdóttir, ritari (nr.36)

Pétur Kristinsson (nr.17,18,20)
Sigmundur Andrésson (nr.24)

Varamenn: Haraldur Jónsson (nr.13) og Hildur Ingvarsdóttir (nr.33,34).

Kosin á aðalfundi félagsins 18. júní 2013.

Netfang stjórnar er mulabyggd@gmail.com

Stjórn félagsins 2011-2013

Þorvarður Kári Ólafsson, formaður (nr.19)

Björn Gunnarsson (nr.10)
Haraldur Jónsson (nr.13)
Pétur Kristinsson (nr.17,18,20)
Sigmundur Andrésson nr..24)

Varamenn:
Ari Hauksson (nr.30) og Ágúst Sigurðsson (nr.31-32).

Kosin á aðalfundi félagsins 6. september 2011, endurkjörin 29. maí 2012.

Samkomulag um yfirtöku vatnsveitu ofl. v/Múlabyggðar

SAMKOMULAG

v/ Múlabyggðar í landi Grímsstaða, Borgarbyggð

Vísað er til tilboða sem hafa gengið milli félags bústaðaeigenda í Múlabyggð  og Guðna Haraldssonar eiganda Grímsstaða varðandi yfirtöku á vatnsveitu, girðingum og viðhaldi vega.

Aðilar eru sammála um að félag bústaðaeigenda yfirtaki frá og með sumrinu 2013 rekstur vatnsveitu, viðhald girðinga og vega í Múlabyggð, Grímsstöðum.

Frá og með árinu 2014 lækki lóðarleiga á leigulóðum. Ársleiga reiknist þannig að upphæðin sem innheimt var 2013 lækki um 22.500 kr. og útkoman taki síðan hækkunum samkvæmt vísitölu í samningum.

Aðilar eru sammála um að ráðist verði nú þegar í nauðsynlegar framkvæmdir til að tryggja nægt vatn sumarið 2013.  Landeigandi samþykkir slíkar framkvæmdir og býður fram aðstoð sína í því sambandi.  Nánara samkomulag verði gert varðandi frekari framkvæmdir til að tryggja rekstur vatnsveitunnar til framtíðar.

 

Borgarnesi, 18. júní 2013.

 Guðni Haraldsson (sign.)

f.h. félags bústaðaeigenda á Grímssstöðum með fyrirvara um samþykki félagsfundar:

Þorvarður Kári Ólafsson (sign.)                                        Pétur Kristinsson (sign.)

Vottar að fjárræði, réttri dagsetningu og undirritun:

Ingi Tryggvason hdl. (sign.) 

Aðalfundarboð 2013

Fundarboð - Aðalfundur félagsins 18. júní 2013

Aðalfundur Félags sumarhúsaeigenda í Múlabyggð verður haldinn þriðjudaginn 18. júní næstkomandi, kl 20.00.

Fundarstaðurinn er að Stórhöfða 31, sal Rafiðnaðarsambandsins (gengið inn að neðanverðu við húsið)

Fundarefni er skv. lögum félagsins:

1.         Skýrsla stjórnar um starfsemi félagsins,

2.         Staðfestur ársreikningur félagsins fyrir liðið reikningsár lagður fram til umræðu og samþykktar,

3.         Kosning formanns í samræmi við 6. gr.,

4.         Kosning annarra stjórnarmanna í samræmi við 6. gr.,

5.         Kosning varamanns/manna í samræmi við 6. gr.,

6.         Kosning skoðunarmanns/manna ársreikninga og varamanns,

7.         Framlagning rekstrar- og framkvæmdaáætlunar fyrir næsta ár,

8.         Ákvörðun um árgjald félagsins sem standa skal undir eðlilegu viðhaldi og rekstri skv. 15. gr.

9.         Mál sem tiltekin eru í fundarboði og afgreiðsla þeirra,

10.       Önnur mál

Óskað er eftir að fleiri gefi kost á sér í stjórn.

Undir lið 7 verður, í framhaldi af árangurslausum samningaviðræðum við landeiganda (sjá viðhengi), tekin fyrir tillaga stjórnar um fjárútlát vegna lögfræðiaðstoðar og neyðarúrræða til að takast á við yfirvofandi vatnsskort.

Undir lið 10 verður farið yfir lagalega stöðu lóðarhafa þegar samningar eru að renna út, sjá greinargerð í viðhengi.

Mikilvægt er að félagsmenn kynni sér meðfylgjandi gögn vel og fjölmenni á fundinn því um stór mál er að ræða.

Frekari upplýsingar eru í viðhengjum og á heimasíðu félagsins: http://mulabyggd.blogspot.com/

Fyrir hönd stjórnar,

Þorvarður Kári Ólafsson formaður

Aðalfundargerð 2012

Fundargerð

Aðalfundur félags sumarhúsaeigenda í Múlabyggð,

haldinn 29. maí 2012 að Stórhöfða 31, Reykjavík

Mættir voru: Nr.4 Lilja/Guðrún, nr.7 Sigurður, nr.8/14 Haraldur/Gíslína, nr.9 Stefán, nr.10 Björn, nr.13 Haraldur/Guðrún, nr.16 Engilbert, nr.17/18/20 Pétur, nr.19 Þorvarður/Anna, nr.24 Sigmundur, nr. 25 Hjalti, nr.33/34 Þórdís/Ingvar, nr.36 Þorbjörn, nr.37 Guðmundur.

Formaður, Þorvarður Kári Ólafsson,  bauð fundarmenn velkomna og setti fund. 

1.      Skýrsla stjórnar. Formaður flutti skýrslu stjórnar. Umræður um skýrslu stjórnar, m.a. um vegamál og hver hefði skyldur til að viðhalda veginum frá Grímsstaðaafleggjara að Grenjum.

2.      Ársreikningur félagsins lagður fram. Björn Gunnarsson gjaldkeri, kynnir ársreikninga 2011. Umræður og fyrirspurnir m.a. um vexti og útistandandi skuldir. Reikningar samþykktir samhljóða.

3.      Kosningar í samræmi við 6. gr. reglna félagsins:

a.       Kosning formanns. Núverandi formaður gefur kost á sér áfram og Haraldur Jónsson tekur við fundarstjórn og óskar eftir fleiri framboðum Enginn annar gaf kost á sér og Þorvarður Kári Ólafsson því endurkjörinn formaður með lófaklappi og tekur aftur við fundarstjórn.

b.      Kosning  fjögurra stjórnamanna. Allir núverandi stjórnarmenn gefa kost á sér áfram. Fundarstjóri óskar eftir fleiri framboðum sem ekki berast og eru því eftirtaldir kjörnir með lófaklappi: Björn Gunnarsson, Haraldur Jónsson og Pétur Kristinsson.

c.       Kosning varamanna í stjórn. Óskað eftir framboðum sem ekki berast. Ari Hauksson og Ágúst Sigurðsson eru því endurkjörnir í varastjórn með lófaklappi.

d.      Kosning skoðunarmanna reikninga. Þórdís Árnadóttir og Hjalti Schiöth gefa kost á sér og eru kjörin með lófaklappi.

4.      Framlagning rekstrar og framkvæmdaáætlunar fyrir næsta ár. Stjórn leggur ekki fram áætlun en fram kemur að ef niðurstaða fæst varðandi rekstur á vatnsveitu eða áform um aðgerðir þá verði boðað til sérstaks félagsfundar þar um. Umræður um ástand vatnsveitunnar. Samþykkt að Þorvarður og Pétur ræði við Guðna um möguleika á stofnun félags um vatnsveituna. Umræða um vegamál, hugmyndir lagðar fram um að ræða við Borgarbyggð um viðhald á veginum og jafnvel að félagið leggi fjármagn til lagfæringa. Boðað yrði til félagsfundar ef til kæmi. Umræður um girðingamál, samþykkt að fela stjórn að leita leiða til að laga hornstaura á veglínu og fá upplýsingar um kostnað við að laga girðinguna á því svæði. Minnt á samþykkt frá aðalfundi í apríl 2010 um að heimila stjórn að nýta allt að 300 þúsund til að láta laga girðingar. Sú heimild hefur ekki verið nýtt.

5.      Árgjald.  Stjórnin leggur til óbreytt árgjald, 5000 kr. Fram kom önnur tillaga um að hækka árgjald í 7500 kr. Hún var rædd og samþykkt samhljóða.

6.      Önnur mál: Haraldur fer yfir ráðleggingar um framlengingu á leigusamningum.  Hann hvetur menn til að vera vakandi áður en samningar renna út og leita sér aðstoðar hjá stjórn eða Landssambandinu.

Ekki fleiri mál tekin fyrir og fundi slitið kl. 21.45.

Fundarritari

Anna Kristín Sigurðardóttir

Aðalfundarboð 2012

Fundarboð - Aðalfundur félagsins 29. maí 2012

Aðalfundur Félags sumarhúsaeigenda í Múlabyggð verður haldinn þriðjudaginn 29. maí næstkomandi, kl 20.00.

Fundarstaðurinn er að Stórhöfða 31, sal Rafiðnaðarsambandsins (gengið inn að neðanverðu við húsið)

Fundarefni er skv. lögum félagsins:

1. Skýrsla stjórnar um starfsemi félagsins,

2. Staðfestur ársreikningur félagsins fyrir liðið reikningsár lagður fram til umræðu og samþykktar,

3. Kosning formanns í samræmi við 6. gr.,

4. Kosning annarra stjórnarmanna í samræmi við 6. gr.,

5. Kosning varamanns/manna í samræmi við 6. gr.,

6. Kosning skoðunarmanns/manna ársreikninga og varamanns,

7. Framlagning rekstrar- og framkvæmdaáætlunar fyrir næsta ár,

8. Ákvörðun um árgjald félagsins sem standa skal undir eðlilegu viðhaldi og rekstri skv. 15. gr.

9. Mál sem tiltekin eru í fundarboði og afgreiðsla þeirra,

10. Önnur mál

Engin mál eru til afgreiðslu undir lið 9, en undir lið 10 verða kynntar ráðleggingar til félagsmanna varðandi framlengingu leigusamninga.

Frekari upplýsingar á heimasíðu félagsins: http://mulabyggd.blogspot.com/

Fyrir hönd stjórnar,

Þorvarður Kári Ólafsson formaður

Umgengnisreglur samþykktar

Félag sumarhúsaeigenda í Múlabyggð

Umgengnisreglur samþykktar á aðalfundi 2011

1. Almennt:

Sumarhúsaeigendur og gestir þeirra skulu gæta þess að ganga vel um sumarhúsasvæðið í Múlabyggð. Íbúar og gestir þeirra skulu ekki skilja eftir rusl á víðavangi og ekki valda spjöllum á gróðri. Ennfremur skal forðast að valda öðrum íbúum ónæði með hávaða.

2. Ljós og gróður:

Öll útilýsing skal höfð í lágmarki og útiljósum beint niður á við til að koma í veg fyrir ljósmengun. Kappkosta skal að halda vexti trjáa í því horfi að ekki skerði útsýni á sumarhúsasvæðinu.

3. Notkun vatns:

Sumarhúsaeigendur skulu gæta þess að kranar, lagnir og búnaður fyrir kalt neysluvatn sé ávallt í lagi frá stofnlögnum og að húsum þeirra. Vökvun lóða og gróðurs á lóðum og áfylling í heita potta er bönnuð á álagstímum þegar vatnsöflun er ekki næg. Gæta skal þess að vatnskranar og tengibúnaður við lóðamörk séu rétt meðhöndlaðir, þannig að veitukerfið tæmist ekki af þeim sökum.

4. Þungaflutningar í hverfunum:

Verði lóðarhafi í Múlabyggð valdur að skemmdum á vegum í sumarhúsabyggðinni vegna þungaflutninga og/eða framkvæmda, þá skal hann bæta það tjón að fullu og sjá til þess á sinn kostnað, að vegirnir verði lagfærðir í sama horf og þeir voru fyrir tjónið.

5. Meðferð elds :

Meðferð opins elds er bönnuð á sumarhúsasvæðinu. Eld má einungis tendra í þar til gerðum útigrillum og útiarinstæðum og ávallt skal gæta fyllstu varkárni og öryggis við meðferð elds í slíkum búnaði.

6. Dýrahald:

Lausaganga dýra er óheimil á sumarhúsasvæðinu. Þó er heimilt að halda dýr innan eigin lóðar.

7. Birting þessara reglna:

Eigendur skulu kynna þessar reglur fyrir gestium sínum.

Aðalfundur félags bústaðaeigenda í Múlabyggð 2011

Aðalfundur félags bústaðaeigenda í Múlabyggð 2011 haldinn 6. september 2011 kl. 20
Fundarstaður: Stórhöfði 31, húsnæði Rafiðnaðarsambandsins.

Fundur settur
     Fundarstjóri var valinn Þorvarður Kári Ólafsson.
     Fundarritari var valin Kristín Anna Stefánsdóttir.
     Mættir voru fulltrúar 20 lóða.

1. Skýrsla stjórnar

Þorvarður formaður flutti skýrslu stjórnar:

Ný stjórn Félags bústaðaeigenda Múlabyggð tók við í apríl 2010. Stjórnin hélt þrjá fundi á árinu og auk þess einn með lögfræðingi LSSH.

Í vatnsmálum bar það til tíðinda að heilbrigðiseftirlit Vesturlands fyrirskipaði lokun vatnsveitunnar í júlí 2010, eftir að kólígerlar mældust í vatnsbólinu og komst málið í fjölmiðla. Reyndar hefur enn ekki orðið af þessari fyrirskipuðu lokun, en landeigandi réðist í einhverjar lágmarksúrbætur (girti og læsti lokum). Ekki er vitað hver gæði vatnsins eru í dag og er fólki því enn ráðlagt að sjóða allt neysluvatn.  Í sumar sem leið bar síðan á verulegum vatnsskorti og berast böndin að lagnakerfi vatnsveitunnar, sem virðist fyllast af lofti í þurrkatíð, en mjög erfitt hefur reynst að komast til botns í þeim vanda. Stjórnin hefur fundað um vatnsmálin með lögfræðingi LSSH, og hann skrifaði bréf til heilbrigðseftilitsins og umhverfisstofnunar í júlí sl., en þau hafa engin viðbrögð sýnt enn.

Girðingamál og vegamál hafa einnig verið til umfjöllunar hjá stjórn og eru þau nú í nánari skoðun hjá lögfræðingi LSSH. Lögfræðingurinn mun síðar á fundinum skýra betur út þau úrræði sem við höfum í þessum helstu þremur hjartans málum félagsmanna (vantsmálum, girðingamálum og vegamálum).

Auk þessara hefðbundnu baráttumála félagsins hafa umgengnismálin einnig verið til umfjöllunar og liggur nú fyrir tillaga að umgengnisreglum sem verða bornar undir atkvæði hér á eftir.

Í stuttum umræðum um skýrsluna var m.a. haft eftir heilbrigðisfulltrúa að hann hyggist taka sýni úr vatnsbólinu í haust. Einnig kom fram að vegurinn meðfram hverfinu er óviðunandi í alla staði.

2. Reikningar félagsins

Björn Gunnarsson gjaldkeri gerði grein fyrir ársreikningi félagsins, sem kjörnir skoðunarmenn reikninga höfðu endurskoðað. Hann var samþykktur einróma.

3. Kosning formanns

Þorvarður Kári Ólafsson (nr.19) gaf áfram kost á sér og var endurkjörinn formaður.

4. Kosning annarra stjórnarmanna

Björn Gunnarsson (nr.10), Haraldur Jónsson (nr.13), Pétur Kristinsson (nr.18.20,17) og Sigmundur Andrésson (nr.24) gáfu áfram kost á sér og voru allir endurkjörnir í stjórn.

5. Kosning varamanna í stjórn

Í varastjórn voru kjörnir þeir Ari Hauksson (nr.30) og Ágúst Sigurðsson (nr.31,32).

6. Kosning skoðunarmanna

Hjalti Schiöth (nr.25) og Hildur Ingvarsdóttir (nr.4) voru endurkjörin skoðunarmenn ársreikninga og Aldís Norðfjörð (nr.30) til vara.

7. Áætlun næsta árs

Starfið framundan snýst um að skýra lagalega stöðu félagsins í helstu málum og fylgja henni eftir. Ef til framkvæmda kemur þarf að taka ákvörðun um þær á fundi.

8. Ákvörðun um árgjald

Samþykkt einróma að gjaldið verði óbreytt, 5000 krónur.

9. Mál sem tiltekin eru í fundarboði

Fyrir fundinum lá tillaga stjórnar að umgengisreglum í 8 greinum. Greinarnar voru ræddar hver fyrir sig:

1.gr. var samþykkt óbreytt.

2.gr: síðasta setning var felld brott.

3.gr. var felld brott.

4.gr: fyrirsögn breytt í “Notkun vatns”, "þegar vatnsöflun er ekki næg" kemur í stað "þar sem vatnsgeymar hvers svæðis tæmast fljótt við slíka vatnsnotkun" og síðasta setning var felld brott.

5.gr. var samþykkt óbreytt.

6.gr: “svo og meðferð flugelda” var fellt brott.

7.gr: “þ.m.t.  hunda, katta og annarra gæludýra” var fellt brott og bætt við “Þó er heimilt að halda dýr innan eigin lóðar”.

8.gr. hljóði svo: “Eigendur skulu kynna reglur þessar fyrir gestum sínum”.

Þannig breyttar voru umgengnisreglurnar samþykktar.

10. Önnur mál

Sveinn Guðmundsson, lögfræðingur LSSH var mættur á fundinn til að ræða við félagsmenn réttarstöðu og úrræði varðandi helstu baráttumál félagsins, sem eru vatnsmál, girðingamál og vegamál.

Vatnsveitumálin: Baráttan byrjaði árið 2007 með tilheyrandi bréfaskrifum og fundarsetum. Mjög erfitt virðist vera að þoka þessum málum þó talað sé hafi verið margoft við heilbrigðisnefnd og aðra. Hægt er að beita dagsektum og nú er málið komið á það stig að kæra þarf heilbrigðisnefnd vegna aðgerðaleysis. Sveinn ætlar að sjá um að gera það á næstu vikum.

Vegakerfið: Sveinn segir vegagerðina ekki gera neitt við veginn hjá okkur, okkar vegur er C-vegur og það er landeiganda að sjá um veginn ásamt þeim sem nota hann til að komast að Grenjum og Langá og upp í Grenjadal. Sveinn er að kanna möguleika á að fá veginn skilgreindan sem sveitarfélagsveg vegna fjölbreyttrar notkunar hans. Stjórn fær skýrslu um þá athugun innan mánaðar.

Girðingamál: Samkvæmt nýjum lögum skal landeigandi girða sinn úthring til að koma í veg fyrir að dýr hans fari inn á land annarra. Ef hann sinnir því ekki megum við girða sjálf á kostnað hans, að undangengnum formlegum tilkynningum og frestum.

Að lokum fór Sveinn yfir hvernig standa þurfi að málum þegar leigusamningar eru að renna út.

Fundi slitið 22:10