16 November 2026

Aðalfundargerð 2026

 Aðalfundur Félags sumarbústaðaeigenda í Múlabyggð 9. nóv. 2026 kl 20:00

Fundargerð.

Mættir voru: 24 félagsmenn auk stjórnar.

Fundarstjóri Þorvarður, fundarritari Valdís B. Guðjónsdóttir

1. Skýrsla stjórnar um starfsemi félagsins. 

Stefán Árni fór yfir störf stjórnar s.l. ár.

​Vegirnir innan svæðisins eru orðnir mjög lélegir og gróður kominn á milli hjólfara. Halli á Háhóli er byrjaður að bera ofaní í einni innkeyrslu/götu. 


​Byrjað er að vinna í að reisa geymsluskúr fyrir kurlarann. Fundinn hefur verið staður við innkeyrsluna á lóð nr. 2, lóð sem Guðni á. Efni í grunninn er komið á staðinn.


​Vegamál. Um er að ræða svo kallaðan héraðsveg sem Vegagerðinni ber að sjá um. Ef hlið er sett á veginn þá er Vegagerðinni ekki skylt að sinna veginum. Hliðið við Grenjar er búið að vera þarna í um 30 ár. Þá er spurning hvort þeir sleppi að sinna veginum alveg frá Grímsstaða-afleggjaranum eða við hliðið. Umræða spannst um skemmdir á dekkjum o.fl.


​Guðni á Grímsstöðum hafði samband við formann vegna skipulagningar á nýrri byggð fyrir neðan veg, um 20 lóðir. Stefán Árni hafði samband við Borgarbyggð og fékk að vita að ekki hefur verið sótt um neitt. Guðni hafði áhuga á að vita hvort nýja byggðin gæti fengið aðgengi að vatnsbólinu okkar. Stefán leggur til að ekki verði orðið við því. Ekki er tímabært að gera neitt í þessu núna og leggur til að þetta verði efni fyrir næsta aðalfund og þá verði samin ályktun. 


​Varðandi brunavarnir þá hafði Stefán samband við Slökkvilið Borgarbyggðar og munu þeir koma og skoða svæðið m.t.t. brunavarna. 


2. Staðfestur ársreikningur félagsins fyrir liðið reikningsár lagður fram til umræðu og samþykktar. Gjaldkeri var fjarverandi og skoðunarmaður reikninga fór yfir ársreikninginn, sem var samþykktur einróma.


3. Kosning formanns. Stefán Árni bauðst til að vera áfram og var það samþykkt.


4. Kosning annarra stjórnarmanna. Snæbjörn býðst til að vera áfram gjaldkeri og Birgir áfam ritari, Magnea og Einar buðust til að starfa áfram í meðstjórn. Það var samþykkt.


5. Kosning varamanns/varamanna. Pétur og Valdís buðust til að vera áfram varamenn. Var það samþykkt.


6. Kosning skoðunarmanns/manna ársreikninga. Þorvarður og Lilja verða áfram.


7. Rekstrar- og framkvæmdaáætlun fyrir næsta ár lögð fram. Engin breyting frá fyrra ári. Enginn kostnaður vegna vatnsveitu, snjómokstur var lítill, kannski mokað tvisvar sinnum. Bent á að hafa samband við Birgi vegna snjómoksturs. Viðhald gatna, byrjað hefur verið að bera ofan í götur. Kostnaður þar að lútandi skiptist milli gatna og grunns f. kurlarahús. Ekki var farið í girðingavinnu. Áætlunin var samþykkt. 


8. Ákvörðun um árgjald félagsins. Árgjaldið verður óbreytt.


9.  10. Önnur mál. 

• Umræða varðandi feisbókarsíðuna. Þar þarf að taka til, henda út fólki sem tengjast ekki félaginu eða bústöðunum. Einnig þarf að uppfæra póstlista/netföng. 
• ​Girðingavinna. Stungið var upp á að myndaður yrði hópur. Umræða um hverjum ber að sjá um girðingarnar, sveitarfélaginu, Guðna vegna skógræktar eða félaginu. Stungið upp á að við göngum bara í þetta þar sem girðingarnar eru sums staðar ryðgaðar í sundur. Lagt til að farið verði í að kanna þörfina fyrir viðgerðir og athuga með kostnað. Einnig þarf að athuga hvort hægt sé að fá girðingarstyrk. Spyrjast fyrir um það hjá Landsambandi sumarhúsaeigenda. Einnig var rætt um þörf fyrir fjárhelda girðingu.
• Heimasíðan. Hún er að verða úrelt. Lagt til að búa til nýja, jafnvel kaupa lén. Lilja er til í að vinna í þessu. Það þarf að varðveita þau gögn sem eru á núverandi síðu.
• Sorpgámar. Staðsetningin ekki góð og umgengni léleg. Komnir eru flokkunargámar, pappír og plast.
• Umræða um stofnkostnað við tengingu við vatnsveitu. Vísað var í samning sem gerður var og er að finna á heimasíðunni. Bent á að það þurfa að vera til peningar í vatnsveitusjóði til að takast á við kostnað sem gæti komið upp. Lilja sagði að alltaf hefði verið erfitt að bora fyrir vatni í þessari sveit.

 

Fundi slitið kl 21:50 

 

25 October 2026

Aðalfundarboði 2026

Félags bústaðaeigenda í Múlabyggð 

Aðalfundarboð 2026

 

Aðalfundur Félags bústaðaeigenda í Múlabyggð verður haldinn Mánudag 9 nóvember næstkomandi, kl 20.00 við Sléttuveg 29, 103 Reykjavík.



Dagskrá samkvæmt lögum félagsins:


1. Skýrsla stjórnar um starfsemi félagsins og um vatnsveituna. 

 

2. Staðfestur ársreikningur félagsins fyrir liðið reikningsár lagður fram til umræðu og samþykktar. Nær einnig yfir vatnsveitudeild, en rekstur hennar er sýndur sérstaklega í reikningunum.

 

3. Kosning formanns í samræmi við 6. Gr.

 

4. Kosning annarra stjórnarmanna í samræmi við 6. Gr.

 

5. Kosning varamanns/manna í samræmi við 6. Gr. 

 

6. Kosning skoðunarmanns/manna ársreikninga og varamanns.  

 

7. Framlagning rekstrar- og framkvæmdaáætlunar fyrir næsta ár. Einnig fyrir vatnsveituna.


8. Ákvörðun um árgjald félagsins sem standa skal undir eðlilegu viðhaldi og rekstri skv.15. gr. Einnig ákvörðun vatnsveitugjalds skv. samþykktum vatnsveitudeildar.


9. Mál sem tiltekin eru í fundarboði og afgreiðsla þeirra: 


a) Áhaldaskúr fyrir kurlara félagsins


b) Viðhald á sameiginlegum vegum 


10. Önnur mál


Vinsamlegast athugið að fundurinn er jafnframt aðalfundur vatnsveitudeildar félagsins. Málefni vatnsveitu deildar verða tekin fyrir undir viðeigandi liðum á dagskránni í samræmi við samþykktir deildarinnar.



Kær kveðja,

Formaður stjórnar

Stefán Árni Þorgeirsson

16 October 2026

Aðalfundargerð 2025

 Aðalfundur Félags bústaðaeigenda í Múlabyggð

haldinn á Sléttuvegi 29, Reykjavík þann 5. maí 2025 kl. 20


Mættir voru 24 sem voru fulltrúar bústaða nr. 1, 2, 3, 4, 8, 10, 11, 12, 16, 17, 18, 19, 20, 24, 25, 30 og 35.


Pétur formaður setti fundinn og skipaði starfsmenn fundarins, fundarstjóri Þorvarður og fundarritari Valdís. Löglega var boðað til fundarins, þ.e. með 2ja vikna fyrirvara. Birgir ritari sagði að finna þurfi lausn á því að allir fái póst með fundarboði. 


1. Skýrsla stjórnar. Formaður sagði að ekki hefði mikið gerst frá seinasta aðalfundi sem var í október 2022. Ekki hefur verið farið í girðingavinnu og sleppa rollur því alltaf inn á svæðið. Varðandi vatnsveituna, þá hefur frosið í lögnum þrátt fyrir framkvæmdir en það fraus líka víðar í Borgarfirði. Ekki varð tjón af. Þrýstingsfall hefur orðið í öðru vatnsbólinu. Tveir til þrír stjórnarfundir hafa verið haldnir. Ekkert hefur verið unnið í vegamálum.

2. Ársreikningar. Snæbjörn gjaldkeri lagði fram ársreikninga fyrir síðustu þrjú ár og voru þeir samþykktir einróma. 

3. Kosning formanns. Pétur gefur ekki kost á sér áfram. Stefán Árni bauðst til að taka að sér embættið og var það samþykkt. 

4. Kosning annarra stjórnarmanna. Snæbjörn gjaldkeri gaf áfram kost á sér til gjaldkerastarfa  og Birgir gaf áfram kost á sét til ritarastarfa. 

5. Kosning varamanna. Valdís gaf áfram kost á sér sem varamaður og Pétur bauðst til að vera varamaður. 

6. Kosning skoðunarmanns/manna reikninga. Þorvarður Kári Ólafsson og Lilja Þorsteinsdóttir gáfu kost á sér. 


Stjórnin næsta starfsárs verður þá þannig:

Stefán Árni, formaður

Snæbjörn Sigurðsson, gjaldkeri

Birgir Örn Einarsson, ritari

Magnea Antonsdóttir meðstjórnandi (nr. 7)

Einar Jónsson meðstjórnandi (nr. 1 og 2)

Valdís B. Guðjónsdóttir, varamaður

Pétur Helgason, varamaður

Þorvarður Kári Ólafsson, skoðunarmaður reikninga

Lilja Þorsteinsdóttir, skoðunarmaður reikninga.


7. Framlagning rekstrar- og framkvæmdaáætlunar fyrir næsta ár. Einnig fyrir vatnsveituna. Félagsgjöld þurfa að standa undir kostnaði. Það þurfa að vera til peningar fyrir óvæntum kostnaði. Rætt var um gerð gangstíga, hús fyrir kurlara og staðsetningu þess. Bæta þarf við liði í bókhaldið sem heitir Kurlari og lagt til að 1 milj. króna sett í húsnæði fyrir kurlarann og tæki og tól sem honum fylgja. Þetta var samþykkt einróma. 

8. Ákvörðun um árgjald félagsins sem standa skal undir eðlilegu viðhaldi og rekstri skv. 15. gr. Einnig ákvörðun vatnsveitugjalds skv. samþykktum vatnsveitudeildar. Lagt var til að árgjald yrði óbreytt þ.e. 

20 þús. kr fyrir bústað, 

10 þús. kr fyrir óbyggð lóð,

25 þús. kr fyrir vatnsveitu.

9. Mál sem tiltekin eru í fundarboði og afgreiðsla þeirra:

a) Snjómokstur. Hefur gengið vel, lítið verið um snjómokstur. Ferlið hefur verið þannig að haft er samband við Birgi þegar útlit er fyrir mikla umferð og hann leggur mat á hvort þurfi að moka. 

b) Girðingarvinna. Rollur komast inn alls staðar. Misjafnt hvað fólki finnst um rollurnar. Arnar Páll er griðingastjóri. 

c) Vatnsból. Lagt til að byrjað sé á að kíkja á eystra vatnsbólið. Spurning hvort það þurfi að stækka. Sírennsli þarf að vera þegar frýs. Umræða um hitaþræði. Ný stjórn þarf að leita ráða hjá sérfræðingum vatnsveitumál.  

d) Göngustígar, girðingastigar og brýr. Vantar brú yfir skurð. Safna kurli úr kurlara til að leggja í stíga. Einar segir að það ætti ekki að kosta mikið að smíða stiga. Það þarf að kaupa brú. 

e) Kurlari. Rætt var um kurlara undir lið um framkvæmda- og kostnaðaráætlanir. Ákveðið að setja allt að milljón í uppbyggingu á áhaldaskúr. 

f) Brenna um verslunarmannahelgi. Guðni bað um að ekki yrði safnað í brennuna of snemma, hún má ekki vera of stór. Meira eins og varðeldur frekar en stórt bál. Guðjón er brennustjóri. 

g) Öryggismál – Vatnsbrunnar fyrir slökkvilið. Varðandi vatnssöfnun, ef eldur kæmi upp í sumarbústaðalandinu, kom fram að í næsta nágrenni er ágætis aðgengi að vatni og kannski ekki þörf á vatnssöfnun. Lagt var til að fá slökkviliðið til að koma í heimsókn og koma með tillögur. 

10. Önnur mál:

Vegurinn. Vegagerðin sér um að hefla veginn. Nú er lögheimili að Grenjum. 

Rörið/brúin. Hún er orðin mjög mjó. Lagt er til að þetta sé tilkynnt til vegagerðarinnar. Möguleiki að hlustað verði á lögbýlin. 

Sorpmál. Ekki gott að það skuli ekki vera hægt að flokka rusl. Bent var á flokkunarstöð í Borgarnesi. Við borgum sorphirðugjald. 

Innheimta ársgjalds og vatnsveitugjald. Rukkað verður fyrir árgjald og vatnsveitugjöld fljótlega. 

Fundi slitið.



21 April 2025

Fundarboð 2025

Aðalfundarboð 2025

 

Aðalfundur Félags bústaðaeigenda í Múlabyggð verður haldinn Mánudag 5 maí næstkomandi, kl 20.00.við Sléttuveg 29, 103 Reykjavík.


Dagskrá samkvæmt lögum félagsins:


1. Skýrsla stjórnar um starfsemi félagsins og um vatnsveituna. 

 

2. Staðfestur ársreikningur félagsins fyrir liðið reikningsár lagður fram til umræðu og samþykktar. Nær einnig yfir vatnsveitudeild, en rekstur hennar er sýndur sérstaklega í reikningunum. 

 

3. Kosning formanns í samræmi við 6. Gr.

 

4. Kosning annarra stjórnarmanna í samræmi við 6. Gr.

 

5. Kosning varamanns/manna í samræmi við 6. Gr. 

 

6. Kosning skoðunarmanns/manna ársreikninga og varamanns.  

 

7. Framlagning rekstrar- og framkvæmdaáætlunar fyrir næsta ár. Einnig fyrir vatnsveituna.


8. Ákvörðun um árgjald félagsins sem standa skal undir eðlilegu viðhaldi og rekstri skv.15. gr. Einnig ákvörðun vatnsveitugjalds skv. samþykktum vatnsveitudeildar.


9. Mál sem tiltekin eru í fundarboði og afgreiðsla þeirra: 


a) Snjómokstur.


b) Girðingarvinna. 


c) Vatnsból.


d) Göngustígar, girðinga-stigar og brýr. 


e) Kurlari. 


f) Brenna um Verslunarmannahelgi.


g) Öryggismál - Vatnsbrunnar fyrir slökkviliðið. 


10. Önnur mál. 


Vinsamlegast athugið að fundurinn er jafnframt aðalfundur vatnsveitudeildar félagsins. Málefni vatnsveitu deildar verða tekin fyrir undir viðeigandi liðum á dagskránni í samræmi við samþykktir deildarinnar.

 

Nánar á vef félagsins http://mulabyggd.blogspot.com


Stjórnin