Vatnsbólið í Múlabyggð mengað og til stendur að loka því

Sjá frétt á vef RUV í dag:
Saurgerlamengun í sumarhúsabyggð

Stjórn félagsins 2010-2011

Þorvarður Kári Ólafsson, formaður (thorvardur@thjodskra.is)
Björn Gunnarsson(bjossi@post.com)
Haraldur Jónsson (hhj@mi.is)
Pétur Kristinsson (pkeignasysla@simnet.is)
Sigmundur Andrésson (sma@internet.is)

Kosin á aðalfundi félagsins 20.apríl 2010.

Ný lög fyrir félag bústaðaeigenda í Múlabyggð, samþykkt á aðalfundi 20.apríl 2010

Samþykktir

fyrir félag bústaðaeigenda í Múlabyggð, Grímstöðum, Borgarbyggð

1. gr.

Heiti félags

Félagið heitir Félag bústaðaeigenda í Múlabyggð (skammstafað FBM).

Varnarþing þess er hjá Héraðsdómi Reykjavíkur.

2. gr.

Stofnun félags

Félagið var stofnaði í mars 1993 og starfar í samræmi við 17. gr. laga nr. 75/2008, um frístundabyggð og leigu lóðar undir frístundahús Félagssvæðið er Múlabyggð Grímstöðum, 301 Borgarbyggð.
Félagið er aðili að Landssambandi sumarhúsaeigenda fyrir hönd félagsmanna sinna.

3. gr.

Félagsmenn

Félagsmenn eru allir þeir sem hafa umráð yfir lóð undir frístundahús á svæðinu. Sama gildir um umráðamenn lóða án húss.
Eigendaskipti skal tilkynna stjórn félagsins.

4. gr.

Hlutverk

Hlutverk félagsins er:

1. Að gæta hagsmuna félagsmann.
2. Að koma fram fyrir þeirra hönd gagvart leigusala.
3. Að hlutast til um að umgengni og framkvæmdir á svæðinu valdi sem minnstri röskun.
4. Að setja almennar samskipta- og umgengisreglur innan frístundabyggðarinnar.

5. gr.

Tilgangur

Tilgangur félagsins er að:
a) gæta hagsmuna félagsmanna gagnvart stjórnvöldum vegna mála sem snerta lóðarhafa og frístundabyggðina,
b) vinna að hvers konar sameiginlegum hagsmunum félagsmanna á félagssvæðinu,
c) stuðla að og fylgjast með góðri umgengi og náttúruvernd á félagssvæðinu,
d) vinna að auknu öryggi á félagssvæðinu.

6. gr.

Skipun stjórnar

Stjórn félagsins skipa fimm (5) menn úr hópi félagsmanna sem kjörnir eru til eins árs í senn á aðalfundi. Formaður skal kjörinn sérstaklega en stjórnin skiptir að öðru leyti með sér verkum þannig að einn sé ritari, einn gjaldkeri og aðrir meðstjórnendur. Einnig skal kjósa einn/tvo varamann/menn.
Boða skal varamann til stjórnarfundar þegar aðalmaður boðar forföll eða þegar stjórnarmaður óskar þess.

7. gr.
Aðalfundur

Aðalfund skal halda árlega fyrir 1. júní. Fer hann með æðsta vald í málefnum félagsins.
Aðalfund skal stjórnin boða bréflega til tilgreindra umráðamanna frístundalóða með a.m.k. tveggja vikna fyrirvara. Boða má fund með tölvubréfi á það póstfang sem forráðamaður hefur látið stjórninni í té og telst það fullnægjandi svo fremi að ekki komi boð um það til sendanda að tölvubréfið hafi ekki komist til skila. Í fundarboði skal greina fundartíma, fundarstað og dagskrá. Þá skal geta þeirra mála sem ræða á og samantekt á efni þeirra tillagna sem leggja á fyrir fundinn.
Fundurinn telst lögmætur ef minnst þriðjungur félagsmanna sækir fundinn. Ef tilskilinn fjöldi félagsmanna mætir ekki á löglega boðaðan fund skal hann endurtekinn eftir skriflega boðun, með að lágmarki viku fyrirvara, og telst hann þá lögmætur með þeim fjölda félagsmanna, sem mæta seinna skiptið.
Dagskrá aðalfundar er sem hér segir:

1. skýrsla stjórnar um starfsemi félagsins,
2. staðfestur ársreikningur félagsins fyrir liðið reikningsár lagður fram til umræðu og samþykktar,
3. kosning formanns í samræmi við 6. gr.,
4. kosning annarra stjórnarmanna í samræmi við 6. gr.,
5. kosning varamanns/manna í samræmi við 6. gr.,
6. kosning skoðunarmanns/manna ársreikninga og varamanns,
7. framlagning rekstrar- og framkvæmdaáætlunar fyrir næsta ár,
8. ákvörðun um árgjald félagsins sem standa skal undir eðlilegu viðhaldi og rekstri skv. 15. gr.
9. mál sem tiltekin eru í fundarboði og afgreiðsla þeirra,
10. önnur mál

Hafi stjórn ekki boðað til aðalfundar 1. október er þeim félagsmönnum sem vilja halda fund heimilt að boða hann í samræmi við 1. mgr. og kjósa nýja stjórn sem telst réttkjörin í stað fyrri stjórnar.

8. gr.
Atkvæði

Eitt atkvæði fylgir hverri lóð undir frístundahús og fer tilgreindur umráðamaður með atkvæðisréttin. Afl atkvæða ræður úrslitum mála annarra en þeirra sem fjallað er um í 11. gr. og 19. gr.

9. gr.
Skipting kostnaðar og lögveð

Kostnaður skiptist að jöfnu og ræðst af fjölda lóða undir frístundahús á félagssvæðinu. Umráðamanni lóðar undir frístundahús er skylt að greiða sinn hluta kostnaðar sem hlýst af ákvörðun sem löglega hefur verið tekin.
Greiði félagsmaður ekki hlutdeild sína í sameiginlegum kostnaði og í félagssjóð á gjalddaga eignast félagið lögveð í eign hans á félagssvæðinu, þ.m.t. í leigulóðasamningi, til tryggingar kröfunni. Lögveðið nær einnig til vaxta og innheimtukostnaðar af kröfunni ef því er að skipta. Lögveðinu skal fylgja eftir með lögsókn eða því lýst við nauðungasölu innan árs frá stofnun þess. Viðurkenning eigenda utan réttar nægir ekki til að rjúfa fyrningu.

10. gr.
Fundarseta

Rétt til fundarsetu hafa félagsmenn, makar þeirra og sambúðaraðilar. Sambúðaraðili í skilningi samþykkta þessara er einstaklingur sem er í skráðri sambúð með leigutaka eða umráðamanni lóðar undir frístundahús, í frístundabyggð.
Félagsmaður má veita sérhverjum lögráða manni umboð til að mæta á fundi og greiða atkvæði. Skal umboðsmaður leggja fram á fundinum skriflegt og dagsett umboð. Slíkt umboð má hvenær sem er afturkalla.
Þegar tveir eða fleiri eru eigendur eða leigjendur að lóð skulu þeir tilkynna stjórn félagsins hver skuli teljast umráðmaður hennar samkvæmt samþykktum þessum og fer með atkvæðisrétt, fær fundarboð og kröfu um greiðslu gjalda til félagsins.

11. gr.
Sérstakar ákvarðanir

Ef lögð er fram tillaga á fundi félagsins samkvæmt auglýstri dagskrá í fundarboði um að ráðast í framkvæmdir eða stofna til kostnaðar sem leiða til útgjalda sem eru umfram venjulegan rekstrarkostnað félagsins skal sú tillaga talin samþykkt hljóti hún samþykki minnst 2/3 hluta greiddra atkvæða og minnst þriðjungur félagsmanna sækir fundinn.

12. gr.
Valdsvið stjórnar

Stjórn fer með æðsta vald í málefnum félagsins á milli aðalfunda. Stjórnin getur boðað til félagsfunda eins oft og þurfa þykir. Til funda skal boða bréflega með tveggja vikna fyrirvara á sama hátt og aðalfund.
Skylt er að boða til félagsfundar ef fjórðungur félagsmanna krefst þess skriflega
Stjórnin getur ekki bundið félagsmenn fjárhagslega.

13. gr.
Gerðarbók

Stjórn félagsins skal halda gerðarbók yfir bæði stjórnarfundi og félagsfundi
Í fundargerðarbók skal skrá yfirlit yfir allt það sem gerðist á félagsfundi og ákvarðanir hans. Fundargerðin skal undirrituð af ritara fundar og fundarstjóra. Fundargerðin er síðan full sönnun þess sem fram hefur farið á fundinum. Sama gildir með fundi stjórnarinnar.
Á fundum félagsins skulu allir félagsaðilar eða umboðsmenn þeirra sem sitja fundinn skrá nafn sitt í fundargerðabók eða fundarsóknarbók og fyrir hvaða lóð eða bústað þeir sitja fundinn.
Fundargerð hvers félagsfundar svo og samþykktan ársreikning og félagaskrá skal senda umráðamanni lóðar innan þriggja (3) vikna frá fundi á tölvupóstfang sem þeir láta stjórn félagsins í té. Aðrir félagsmenn (geta óskað eftir því að) fá gögnin send í pósti.
(Ath. ef félagið heldur úti heimasíðu eða gefur út fréttablað ætti að orða seinni mgr. í samræmi við það.)
14. gr.
Nefndarskipun
Stjórninni er heimilt að skipa nefndir til sérstakra verkefna ef henni þykir ástæða til.

15. gr.
Gjalddagi

Gjalddagi árgjalds skv. 6. gr. skal vera 1 mars og eindagi 15 dögum síðar. Gjalddagi framkvæmdagjalds sem ákvarðað er skv. 11. gr. skal vera tilgreint við samþykkt þess.

16. gr.
Reikningsárið

Reikningsár félagsins er almanaksárið.

17. gr.
Slit félagsins

Ef ekki er lengur tilgangur fyrir tilvist félagsins má slíta því með einföldum meirihluta og ákveður fundurinn ráðstöfun eigna sem félagið kann að eiga. Boða skal þá sérstaklega til fundarins vegna tillagna um niðurlagningu félagsins.

18. gr.
Þinglýsing samþykkta

Stjórn félagsins skal hlutast til um það að samþykktum þessum verði þinglýst á allar fasteignir og lóðasamninga og lóðir sem tilheyra félagssvæðinu svo og breytingum sem kunna að verða gerðar á samþykktum þessum.

19. gr.
Breytingar á samþykktum þessum

Breytingar á samþykktum þessum verða aðeins gerðar á aðalfundi. Tillaga um breytingu verður einungis tekin til afgreiðslu að hún hafi verið kynnt í aðalfundarboði og hljóti samþykki minnst 2/3 hluta greiddra atkvæða og minnst helmingur félagsmanna sæki fundinn.

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

Skýringar og athugasemdir

við drög að samræmdum samþykktum fyrir félög sem stofnuð eru í samræmi við lög nr. 75/2008, um frístundabyggð og leigu lóðar undir frístundahús eða stofnuð voru fyrir gildistöku þeirra laga en hyggja á endurskráningu sem slíkt félag hjá Fyrirtækjaskrá.

Í 2. mgr. 18. gr. laganna þar sem fjallað er um stofnfund félagsins segir að setja skuli því samþykktir sem hafi að geyma tiltekin atriði sem nánar eru talin upp í lagagreininni. Er því valið að nota það orð hér, þ.e. „samþykktir félags“ í stað þess að nota orðið „lög félagsins“.
Í 3. mgr. 17. gr. laganna segir að hafi verið stofnað félag í frístundabyggð fyrir gildistöku laganna skulu samþykktir þess halda gildi sínu að því leyti sem þær samrýmast lögunum.

Með framsetningu þessara samþykkta er verið að gera tillögu til samræmingar á tilteknum ákvæðum sem annað hvort er skylt að hafa í samþykktum eða æskilegt að þær séu þar. Félögin eru margvísleg og hagsmunir og tilgangur þeirra mismunandi, yfirleitt um rekstur og viðhald vatnsveitu, girðingar og/eða vega. Verður því hvert og eitt félag að ákveða hvernig þeim þáttum er skipað í samþykktunum sínum. Tekin eru upp ákvæði sem eru í lögunum því telja verður að ákvæðin verði aðgengilegri félagsmönnum í samþykktunum heldur en í lögunum.

Í 1. gr. kemur fram heiti félagsins og varnarþing. Skv. 2. tölul. 2. mgr. 18. gr. skal koma fram heimilisfang félagsins og varnarþing. Varnarþing skal vera tilgreint í sveitarfélagi viðkomandi svæðis og/eða tilgreindum héraðsdómi sem hentugra þykir. Póstfang félags er eða getur verið breytilegt eftir því sem stjórnarmenn ákveða hverju sinni. Æskilegt er að það sé formlega tilkynnt Fyrirtækjaskrá ríkisskattstjóra sem heldur skrá um upplýsingar um heimilisföng og póstfang og stjórnarmenn félaga og félagasamtaka sem hafa kennitölu. Einnig þurfa félög sem eru aðilar að Landssambandi sumarhúsaeigenda að gefa þangað þessar upplýsingar árlega.

Í 2. gr. er stofnun og starfræksla félagsins tengt ákvæðum í lögum um frístundabyggð beint. Lagt verður til að frístundafélög skrái sig að nýju hjá Fyrirtækjaskrá ríkisskattstjóra sem „félag í frístundabyggða“. Núverandi skráning frístundafélaga eða sumarhúsafélaga eins og þau voru almennt kölluð eru mjög margbreytileg frá einu félagi til annars á liðnum árum við úthlutun kennitalna til þeirra. Þá þarf að tilgreina og skilgreina félagssvæðið skv. 3. tölul. 2. mgr. 18. gr. en þar segir að ákvæði um „félagssvæði og skulu taldar upp allar lóðir í viðkomandi frístundabyggð“. Skv. 3. mgr. 18. gr. skal „stjórn félags hlutast til um að samþykktum félagsins verði þinglýst á allar þær fasteignir sem taldar eru upp í samþykktum þess“ og er það ákvæði tekið upp í 18. gr. þessara samþykkta.
Þá er lagt til að í samþykktunum komi fram að félagið sé aðili að Landssambandi sumarhúsaeigenda, en að sjálfsögðu er það sjálfstæð ákvörðun hvers og eins félags. Hver og einn handhafi lóðar í frístundabyggð getur gerst félagi í LS.

Í 3. gr. er skilgreint hverjir séu félagsmenn.

Í 4. gr. er tekið fram hvert sé hlutverk félagsins og er það í samræmi við 19. gr. laganna. Fyrst og fremst er það um sameiginleg verkefni eins og rekstur og viðhald sameiginlegra eigna. Fellt er niður í þessum drögum ákvæði um lagningu vegar og gerð sameiginlegrar girðingar þar sem það er yfirleitt framkvæmt við skipulag svæðisins.
Athygli er vakin á því að nú hafa félögin lögbundinn rétt skv. 6. tölul. 19. gr. laganna til þess að setja almennar samskipta- og umgengisreglur innan frístundabyggðarinnar rétt eins og húsfélög hafa innan sinna híbýla. Lagt er til að slíkar samskipta- og umgengisreglur séu samdar og settar sérstaklega en ekki blandað saman við samþykktir félagsins. Eru því engar tillögur þar að lútandi settar fram hér.

Í 5. gr. er greint frá tilgangi félagsins að því leyti sem hann er frábrugðinn hlutverki félagsins. Hér geta verið um að ræða ákvæði um sameiginlegar samkomur, útgáfu fréttablaðs o.fl.

Í 6. gr. eru ákvæði um skipun stjórnar en fjöldi stjórnarmanna er ekki lögbundinn að öðru leyti en því að kjósa skuli formann, aðra stjórnarmenn og varamenn. Fjöldi stjórnarmanna er ákvörðun hvers félags og eins kjörtímabil hvers og eins. Því eru settir upp tveir valmöguleikar.

Í 7. gr. eru ákvæði um aðalfund og byggjast á 20. gr. laganna. Lagt er til að boða eigi til aðalfundar og annarra félagsfunda bréflega eins og segir í lögum en á grundvelli skýringa með frumvarpinu er varð að lögum megi túlka það svo að fullnægjandi sé að boða til fundar með tölvubréfi enda er það orðið svo algeng samskiptaleið. Þó er tekið fram að sendandi verði að fullvissa sig um að pósturinn hafi komist til skila og umráðamaður lóða hafi látið stjórninni í té póstfangið. Um lögmæti fundar kemur ekki fram í 20. gr. laganna en af ákvörðum um fundarsókn í tilgreinum málum má ætla að félögin geti sjálf tekið það fram í samþykktum sínum um það atriði.
Skv. 1. mgr. 20. gr. laganna hafa félagsmenn heimild til að boða til aðalfundar hafi stjórn þess ekki gert það fyrir 1. október og getur slíkur fundur tekið yfir valdsvið fyrri stjórnar. Er litið á þetta ákvæði sem varúðarákvæði til að ekki verði fundarfall á árinu og kemur vonandi aldrei að til þess þurfi að grípa. Lagt er til að taka ákvæðið engu að síður inn í samþykktirnar.

Í 8. gr. kemur fram að eitt atkvæði fylgir hverri lóð sem reisa má á frístundahús og er það í samræmi við 1. mgr. 21. gr. laganna.

Í 9. gr. kemur fram að ákvæði 2. mgr. 21. gr. laganna að kostnaður skiptist jafnt án tillits til stærðar lóðar enda sé einungis heimilt að reisa eitt frístundahús. Umráðamanni er skylt að greiða sinn hluta kostnaðar sem lögleg ákvörðun hefur verið tekin. Þá eru tekin upp ákvæði í 3.-.5. mgr. 21. gr. um þau úrræði sem stjórn félags getur tekið ef ekki er orðið við kröfu um greiðslu gjalda til félagsins, þ.e. lögveð í eigninni á sama hátt og húsfélög geta gert gagnvart íbúðareigendum fjöleignarhúsa. Umráðamaður lóðar sem ekki er leigð út eða er óseld er landeigandi. Sama gildir um fjármálastofnun sem hefur leyst til sín lóðina.

Í 10. gr. eru ákvæði um rétt til fundarsetu í samræmi við 1. og 2. mgr. 22. gr. laganna.

Í 11. gr. eru ákvæði um þátttöku í atkvæðagreiðslu þegar lagt er til að stofna til sérstaks kostnaðar umfram venjubundinn rekstrarkostnað. Er það í samræmi við 4. mgr. 22. gr. laganna.

Í 12. gr. er um valdsvið stjórnarinnar og rétt félagsmanna til að boðað sé til félagsfundar.

Í 13. gr. eru ákvæði um fundargerðabók og fundarsóknarbók. Lagt er til að allir fundarmenn félagsfundar skrái sig til að sannprófa megi fundarsókn og hverjir hafa sótt fundinn. Enn fremur er lagt til að fundargerð sé undirrituð af fundarstjóra og fundarritara í stað þess að hún sé lesin upp í lok fundar sem yfirleitt gefst ekki tími til eða í upphafi næsta fundar sem er haldinn ári síðar. Í stað þess er lagt til að fundargerð og samþykktur ársreikningur og félagaskrá verði send öllum þeim sem hafa gefið stjórninni tölvupóstfang sitt en öðrum sent þessar upplýsingar í pósti að ósk hvers og eins eða öllum umráðamönnum án tillits til hvernig sent er. Þau félög sem halda úti heimasíðu á netinu eða gefa út fréttablöð til félagsmanna sinna geta orðað þessa málsgrein í samræmi við það.

Í 14. gr. er stjórn heimilað að skipa nefndir til sérstakra verkefna fyrir félagið.

Í 15. gr. er kveðið á um gjalddaga greiðslu

Í 16. gr. er ákvæði um reikningsárið. Enda þótt almanaksárið sé algengast þar sem aðalfundir eru almennt á fyrri hluta árs þá er lagt til að félög sem halda aðalfundi sem á að vera í síðasta lagi 1. september, skv. 1. mgr. 20. gr. laganna, geti ákvarðað lok reikningsárs nær þeim degi.

Í 17. gr. fjallað um hvernig skuli fara með slit á félaginu og ráðstafanir eigna sem kunna að vera til.

Í 18. gr. eru ákvæði 3. mgr. 18. gr. laganna um þinglýsingu samþykkta þess á allar þær fasteignir, þ.m.t. lóðir sem taldar eru til félagssvæðisins og breytinga á þeim.

Í 19. gr. eru ákvæði um breytingu á samþykktum félagsins og eru þau í samræmi við 5. mgr. 22. gr. laganna.

Ákvæði til bráðabirgða.
Þegar valin er kostur B í 6. gr. um stjórnarkjör við stofnun félags verður að greina á milli þeirra sem sitja skuli næstu tvö árin og hinna sem ganga skulu úr stjórn á næsta ári eftir stofnun þannig að ákvæðið virki eins til er ætlast. Sama gildir ef breyta eigi kjöri stjórnar úr kosti A í kost B.

Fundarboð - Aðalfundur félagsins 20. apríl 2010

Aðalfundur Félags Bústaðaeiganda í Múlabyggð (FBM), verður haldinn þriðjudaginn 20. apríl næstkomandi, kl 20.00.
Fundarstaðurinn er að Stórhöfða 31, gengið inn að neðanverðu. Þegar inn er komið er tekin lyfta upp á 4. hæð.

Fundarefni:

1. Venjuleg aðlfundarstörf.
2. Lagabreytingar.
3. Önnur mál.
   

Vegna breytinga á lögum um frístundabyggðir er nauðsynlegt að endurskoða lög félags bústaðaeigenda í Múlabyggð þannig að þau séu í samræmi við núgildandi landslög.
Tillaga að nýjum lögum er á heimasíðu félagsins, sjá: http://mulabyggd.blogspot.com/2009/11/tillaga-nyjum-logum-fyrir-felag.html

Til að breyta lögum þarf minnst 2/3 hluta greiddra atkvæða og minnst helmingur félagsmanna þarf að sækja fundinn. Það er því mikilvægt að sem flestir mæti eða sendi fulltrúa sinn (t.d. annan félagsmann) með skriflegt umboð til atkvæðagreiðslu fyrir sína hönd.

Einnig er vakin athygli á að a.m.k 3 stjórnarmenn gefa ekki kost á sér til endurkjörs, því hér með skorað á félagsmenn að gefa kost á sér til stjórnarsetu.

Frekari upplýsingar á heimasíðu félagsins: http://mulabyggd.blogspot.com/

Fyrir hönd stjórnar,

Snorri Árnason formaður

Vegamál á svæðinu

Formaður FBM sendi fyrirspurn um viðhald vegarins neðan við Múlabyggð til Jökuls Helgasonar forstöðumanns framkvæmdasviðs Borgarbyggðar eftir síðasta aðalfund félagsins.

Svarið frá Jökli er hér:
"Skv. þeim upplýsingum sem ég hef aflað mér ber sveitarfélaginu ekki skylda til að sinna viðhaldi á umræddum vegi. Hinsvegar getur sveitarfélagið sótt um fjárveitingu til Vegagerðarinnar til að sinna viðhaldi svokallaðra styrkvega í sveitarfélaginu. Stefnt er að því að sækja um fjárveitingu til Vegagerðarinnar fyrir umræddan veg fyrir árið 2010, en úthlutun Vegagerðarinnar fer að öllum líkindum fram næsta vor. Hvort eða hver sú fjárveiting verður mun ráða úrslitum um hvað hægt verður að gera fyrir veginn á komandi sumri, en leiða má líkum að því að fjármagnið dugi til heflunar og mögulega ofaníburð á þeim stöðum þar sem mest er þörf fyrir.
Kv. Jökull H."

Aðalfundur félags bústaðaeigenda í Múlabyggð

3. nóvember 2009 kl. 20

Fundarstaður: Stórhöfði 31, húsnæði Rafiðnaðarsambandsins og fleiri.
Fundarritari: Kristín Anna Stefánsdóttir, ritari stjórnar

1. Fundargerð síðasta aðalfundar.
   Ritari las upp fundargerð síðasta aðalfundar 29.maí ´08 og var hún samþykkt.
2. Skýrsla stjórnar
   Snorri, formaður, sagði frá helstu störfum stjórnar á liðnu starfsári. Haldnir voru þrír stjórnarfundir. Meginverkefni stjórnar voru:
   · samskipti við Borgarbyggð vegna vegamála. Vegakafli neðan við frístundabyggð fékkst heflaður sumarið 2009.
   · samskipti við heilbrigðisfulltrúa Vesturlands vegna vatnsmála í Múlabyggð. Sjá fyrri fundargerðir. Búið að bæta við 2 vatnstönkum en eftir að ganga frá þeim endanlega. Enn ógirt utan um vatnsbólin. Hálfgerð pattstaða í málinu nú.
3. Skýrsla gjaldkera
   Haraldur Dungal gjaldkeri gerði grein fyrir ársreikningi félagsins. Hann var samþykktur.
4. Kosning stjórnar
   Núverandi stjórn endurkjörin fram til næsta aðalfundar. Fyrir næsta aðalfund þarf að tryggja að fundarboð berist með öruggum hætti. Einnig þarf að vinna í því að fá nýtt fólk í framboð til stjórnar þar sem 2 – 3 stjórnarmenn munu ganga úr stjórn á næsta aðalfundi, þ.m.t. formaður stjórnar.
5. Tillaga að lagabreytingu
   Kynnt tillaga að lagabreytingu sem talin er þörf á vegna breytinga á lögum um frístundabyggðir þannig að þau séu í samræmi við núgildandi lög. Haraldur Jónsson sagði að þar sem þyrfti 2/3 lóðareiganda til að samþykkja ný lög væri ekki hægt að greiða atkvæði um þau á þessum fundi þar sem aðeins fjórtán af þeim 20 sem þyrfti til að samþykkja lagabreytingar voru mættir á fundinn. Ákveðið að halda annan aðalfund eftir páska 2010 og leggja þá að nýju fram tillögu um lagabreytingu fyrir félags bústaðaeigenda í Múlabyggð.
6. Önnur mál

• Vegamál. Umræður um að skrifa byggðarráði Borgarbyggðar um vegamál. Við borgum fasteignagjöld og eigum rétt á grunnþjónustu, þ.e.a.s t.d vegamál, hefla og fl.
• Endurskoðun ársreikninga. Þarf endurskoðenda til að fara yfir ársreikninga og staðfesta þá. Pétur Kristinsson tekur að sér endurskoðun ársreikninga félagsins.
• Félagsgjöld. Ákveðið að félagsgjöld verða óbreytt fyrir árið 2010, þ.e. 5000 kr.
• Girðingar og tengivegir. Lagt til að Guðna Haraldssyni, Grímsstöðum, verði skrifað bréf og gert tilboð um að félagið taki að sér að lagfæra girðingu umhverfis frístundabyggðina á kostnað félagsins, þ.e. girðingu meðfram veginum frá Sólvöllum (Múlabyggð 19) að skógræktargirðingu Guðna við Urriðá. Sveitarfélagið sér um girðinguna meðfram Grímsstaðamúla þar sem hún er fallskilagirðing. Á móti sjái Guðni um lagfæringu á tengivegunum sem liggja frá aðalveginum að Grenjum og að lóðamörkum hverrar lóðar. Stjórnin leggur til að félagið fái verktaka til að laga girðinguna þar sem sjóður í eigu félagsins ætti að geta staðið undir þeim kostnaði. Ef Guðni gengur ekki að þessu tilboði félagsins þá er það áfram hans mál að sjá um girðingar og tengivegi á næsta ári. Tillagan samþykkt af öllum á fundinum.
• Vatnsmál. Senda þarf heilbrigðisfulltrúa bréf og óska eftir upplýsingum um hvernig er vatnið núna, þ.e. hvort það er drykkjarhæft. Hugsanlega þarf að taka ný sýni. Óska eftir skriflegu svari.
• Nafnalisti látinn ganga á fundinum.

Fundi slitið 21:15

Stjórn félags bústaðaeiganda í Múlabyggð

• Á. Snorri Árnason, formaður
• Haraldur Dungal, gjaldkeri
• Kristín Anna Stefánsdóttir, ritari
• Haraldur Jónsson, meðstjórnandi
• Sigmundur Andrésson, meðstjórnandi

Aðalfundur 29.maí 2008

Fundargerð aðalfundar Félags bústaðaeiganda í Múlabyggð

Dags. 29.maí 2008

Fundarstaður: í sal Félags rafiðnaðarmanna, Reykjavík.

Fundarritari: Kristín Anna Stefánsdóttir

Fráfarandi stjórn:

• Haraldur Jónsson, formaður
• Kristín Anna Stefánsdóttir, ritari
• Sverrir Sveinsson, gjaldkeri
• Haraldur Dungal
• Snorri Árnason

Fundarefni:

1. Skýrsla stjórnar

Formaður leggur fram skýrslu stjórnar. Í skýrslu stjórnar eru m.a. eftirfarandi mál reifuð:

1. Kauptilboð FBM í lönd í Múlabyggð, sjá fylgiskjöl.

2. Skipulagsmál, sjá fylgibréf

3. Vatnsveitan, sjá fylgiskjal

4. Vegamál, sjá fylgiskjal. Vegagerð hyggst að setja ofaníburð í veginn að sumarhúsunum í lok júní 2008.

5. Girðingarmál, sjá fylgiblað

Umræður um skýrslu stjórnar. Skýrsla stjórnar samþykkt.

2. Kynning á reikningum félagsins.

Gjaldkeri félagsins, kynnti, sjá fylgiskjal. Félagið á nokkurn sjóð nú. Formaður leggur til að sjóðurinn verði óhreyfður til ráðstöfunar fyrir komandi stjórn vegna fyrirliggjandi mála. Reikningar félagsins samþykktir. Samþykkt óbreytt félagsgjald fyrir næsta ár, 5000 kr.

3. Kosning stjórnar.

Úr stjórn fór Sverrir Sveinsson. Í hans stað var Sigmundur Andrésson kosinn í stjórn. Haraldur Jónsson sagði af sér sem formaður félagsins en situr áfram í stjórn. Snorri Árnason var kosinn formaður félagsins. Engin mótframboð. Ný stjórn skiptir með sér verkum.

4. Önnur mál

• Umræður um að skepnuhald á frístundalóðunum sé bannað. Í leigusamningum eru skilmálar varðandi skepnuhald sem eru enn í fullu gildi. Athugasemd gerð við skepnuhald (hesta) á frístundalóð í Múlabyggð.

• Umræður um nýtt frumvarp til laga um réttarstöðu leigutaka á frístundalóðum. Formaður las úr drögum að frumvarpinu á fundinum.

• Umræður um samskipti við landeiganda. Kvartað undan aðgerðarleysi varðandi frágang á vatnsveitu, girðingu og vegum. Rætt um að fá aðstoð frá lögfræðingi Landsambands sumarhúsaeiganda vegna samskipta við landeiganda til að kanna réttarstöðu bústaðaeiganda og hvaða leiðir eru mögulegar í stöðunni. Stjórnin fékk umboð fundarins til að halda áfram með málið eftir að lögfræðiálitið liggur fyrir.

• Umræða um sorphirðu. Ræða þarf við Borgarbyggð varðandi losun á ruslagámum.

• Umræða um að fá Vegagerðina til að hefla veginn frá Grímsstaðaafleggjaranum að Grenjum.

• Umræða um losun á rotþróm í byggðinni. Margir töldu að sínar rotþrær ekki hafa verið tæmdar eins og lög segja til um.

Fundi slitið.

Losun rotþróa

Sveitarfélagið Borgarbyggð sér um að losa rotþrær skv. gildandi reglum hverju sinni.

Síðasta tæming var gerð í júní 2009.

Eigendur sumarhúsa verða að tryggja góðan aðgang að rotþró til tæmingar og merkja losunarop þannig að auðvelt sé að finna það.

Upplýsingar um tæmingu rotþróa frá Umhverfisstofnun.

Reglugerð um meðhöndlun seyru.

Tæming og flutningur.
14. gr.
14.1 Sveitarstjórnir skulu sjá til þess að komið sé á kerfisbundinni tæmingu á seyru úr rotþróm.
14.2 Rekstraraðilar húsnæðis eða svæða þar sem salernisúrgangur, ristarúrgangur eða seyra fellur til bera ábyrgð á allri meðferð og flutningi úrgangsins, svo fremi ekki sé í gildi sérstök heilbrigðissamþykkt sem kveður á um annað.

Lög um hollustuhætti og mengunarvarnir

Stjórn félagsins 2009-2010

• Á. Snorri Árnason, formaður (snorriar@internet.is)
• Haraldur Dungal, gjaldkeri (haraldurd@hglagmuli.is)
• Kristín Anna Stefánsdóttir, ritari (gudjo@islandia.is)
• Haraldur Jónsson (hhj@mi.is)
• Sigmundur Andrésson (sma@internet.is)

Aðalfundur 3. nóv. 2009

Aðalfundur Félags bústaðaeigenda í Múlabyggð var haldinn þriðjudaginn 3. nóvember kl. 20:00 að Stórhöfða 31 

Reykjavík í húsnæði Rafiðnaðarsambandsins, Matvís og Lífeyrissjóðsins Stafir. 

Fundarefni:  

 Venjuleg aðalfundarstörf. 
Tillaga stjórnar um viðhald girðinga 
Önnur mál.  
Fundargerð: