Ástand girðinga í Múlabyggð – minnisblað stjórnar febrúar 2014

Flestar girðingar eru orðnar nokkuð gamlar. Girðing frá Sólvöllum austur að og með lóð 3 er frá þeim tíma sem lóðarhafar girtu sínar lóðir sjálfir. Hún er í sæmilegu standi fyrir utan kafla neðan við lóð 21, þar sem staurar hafa lyfst í frostlyftingu og er ekki fjárheld þar.

Frá þeim stað og austur að og með lóð 37 er girðing sem Guðni girti og hefur átt að sjá um. Hún hefur legið niðri á kafla neðan við lóðir 24,26 og 27 vegna frostlyftingar en Guðni virðist hafa reist hana við í fyrra, en það er væntanlega ekki varanleg aðgerð.

Fyrir austan lóðir 35,36 og 37 er skógræktarsvæði sem Guðni á og sér um. Svæðið er afgirt nema að ekki er girt á milli svæðisins og sumarhúsabyggðarinnar.Meðfram veginum liggur girðingin yfir tvo skurði(Læki) og er ekki fjárheld þar.

Vestan við svæðið er girðing sem aðskilur svæðið og beitarhólf. Þessa girðingu þarf að ræða við Guðna.

Ofan við allt svæðið er fjallskilagirðing sem er í eigu og á ábyrgð Borgarbyggðar (Fjallskilanefndar).